ശനിയാഴ്‌ച, ജൂലൈ 05, 2008

അവളുടെ ആഗ്രഹങ്ങള്‍ക്കും സ്വപ്നങ്ങള്‍ക്കും ഒരു ചുവരിന്റേയോ നിറങ്ങളുടേയോ അതിരുകളില്ലാതെ ഞാന്‍ നിറം ചാര്‍ത്തി..

ആരും കാണാതെ പുസ്തകത്താളുകളില്‍ ഒളിപ്പിച്ച മയില്‍പീലിയുടെ ഏഴു നിറങ്ങള്‍..

എല്ലാം അറിഞ്ഞുകൊണ്ടവള്‍ എന്റെ ചിത്രങ്ങള്‍ക്കു മീതെ ഒരു കറുത്ത മൂടുപടമിട്ട്‌ അതിനെ മറച്ചു..

വെയിലേറ്റാല്‍ എന്റെ മയിലിപ്പീലി ചായങ്ങളില്‍ നിന്ന്‌ ജീവന്റെ തുടിപ്പുകള്‍ അടര്‍ന്നു പോയെങ്കിലോ ???
എങ്കിലും ഇന്നും ഞാന്‍ വരച്ചു കൊണ്ടേയിരിക്കുക്കയാണ്‌..

വീണ്ടുമവളുടെ മനസ്സിന്റെ താളുകളിലേക്ക്‌ ഒളിപ്പിക്കാന്‍ കുറച്ചു നിറങ്ങളുമായി..